قلــــــت وينك ؟؟ ليه غبتي ؟؟ ليه توّك تنشدين ؟؟؟

بسم الله الرحمن الرحيم
السلام عليكم ورحمة الله وبركاته
-
-
-


..//.. شاعرهـآ : فـهـد الـمـسـاعـد ..//..


قلت وينك ؟؟ ليه غبتي ؟؟ ليه توّك تنشدين ؟؟
قالت اني كنت / كنت .. وابتدت في التعتعه

يا غلا ذيك الليال .. ويا غلا ذيك السنين
جيت ابفرح .. ما لقيت الا ( وجيه ) .. مودّعه

قلت .. شوفي يالحبيبه .. عندي لك ( بس ) كلمتين
الهوى .. أضنى لي ( قلب ) .. وقلبك انتي .. في دعه

كان ودّي لو سألتي .. ( ليه ) أنا داايم حزين ؟؟
ليه في ( سلة شعوري ) .. ضيق بااال .. و قوقعه

أسهر الليل .. أشتكيك لــ ( دفتري ) .. يمكن تجين
ويشتكي ( دفتر قصيدي ) .. آآهـ .. وآقوم أمنعه

كل ما زدتي ( دلااالك ) .. قلت حاااضر .. تااامرين
أذكر إني كنت أشوفك ( شئ ) يركض .. وأتبعه

كنت اذا جاني ( خطاك ) .. قلت ( لا .. وما تقصدين )
وكنت اذا فز ( الهجوس ) .. لغير ( طيفك ) .. أصفعه

تجرحين الجرح .. وانسى .. ولا نسيته .. تجرحين
وكل جرح ٍ يشتكي .. آآسوّي نفسي .. ما اسمعه

كم .. وكم عاااتبت قلبك .. ( عيب .. لا لا ) .. وتضحكين
كم .. وكم حاولت إني .. كاااسك المر .. أجرعه

يوم طف الكيل .. ( كااافي ) .. كااافي كااافي تسألين
إينعم .. ( قلبك ) .. تعمّدت أن أغيضه .. وأوجعه

كلها يومين .. ( هااانت ) .. نفترق .. والله يعين
أدفنك .. وأدفن قصيدي .. وادفن إحساسي .. معه

عاذرك .. وشلون تعطي ايديك .. ( شئ ) .. ما تملكين
أنتي فهمك .. لــ ( الهوى ) .. إنه تبااادل منفعه

مو غريب إن إفترقنااا .. وشئ طبيعي .. تزعلين
أعتقد .. ( سر الغرابه ) .. قلبي وشلون ( أقنعه ) !!